Беларускае дзяржаўнае аб'яднанне па племянной жывёлагадоўлі «Белплемжыўаб'яднанне» створана з мэтай кіравання і каардынацыі дзейнасці дзяржаўных сельскагаспадарчых племянных прадпрыемстваў, якія адносяцца да рэспубліканскай уласнасці.

У склад Белплемжыўаб'яднанне ўваходзяць: 6 абласных племянных прадпрыемстваў, 1 рэспубліканскі элевер па вырошчванні рамонтных быкоў, лабараторыя па вызначэнні якасці малака.

Галоўнай задачай Белплемжыўаб'яднанне з'яўляецца падтрыманне сістэмы селекцыйна-племянной работы ў жывёлагадоўлі рэспублікі, стварэнне высокапрадуктыўных селекцыйных статкаў ў сельскагаспадарчых арганізацыях рэспублікі, племянных заводах і селекцыйна-гібрыдных цэнтрах з мэтай далейшага павышэння породных і прадукцыйных якасцей сельскагаспадарчых жывёл. Штогод племяннымі прадпрыемствамі рэспублікі рэалізуецца больш за 6 млн.доз спермы быкоў-вытворцаў і 800 тыс. Доз спермы кныроў-вытворцаў розных парод.

Племянныя прадпрыемствы рэспублікі з'яўляюцца абласнымі структурамі, якія адказваюць за рэалізацыю рэспубліканскіх селекцыйных праграм на тэрыторыі абласцей.

Асноўнымі задачамі племпрадпрыемстваў рэспублікі з'яўляецца вытворчасць, назапашванне глыбоказамарожанай спермы ад высакакласных быкоў-вытворцаў і яе рэалізацыя сельскагаспадарчым прадпрыемствам усіх формаў уласнасці.

На шасці племпрадпрыемствах змяшчаецца звыш 1000 быкоў-вытворцаў, у тым ліку 30 быкоў мясных парод. Сярэдняя прадуктыўнасць маці быкоў складае больш за 12000 кг малака тлустасцю 4,03%, бялок 3,21.

На племпрадпрыемствах рэспублікі створаны банк спермы вытворцаў розных парод.

Запас спермы ацэненых быкоў складае больш за 13,0 млн.доз, у тым ліку з індэксам больш за 110 адзінак - 20,4%, быкоў мясных парод - 1000,0 тыс.доз.